Қазақстанның үздік тауары

2022 жылғы 8 қазанда Астана қаласында «КазАзот» акционерлік қоғамы «Қазақстанның үздік тауары» байқау-көрмесінің республикалық кезеңіне қатысты.

Еске салайық, бұған дейін «КазАзот» АҚ «Қазақстанның үздік тауары» байқауының аймақтық кезеңінің «Өндірістік мақсаттағы үздік тауар» номинациясы бойынша жеңімпаз атанған болатын.

Қазақстан Республикасы Президентінің «Алтын сапа» сыйлығын алу конкурсының лауреаттары мен «Қазақстанның үздік тауарлары» байқау-көрмесінің жеңімпаздарын марапаттау рәсімі желтоқсан айында Астанада өтеді.

Дипломанттар дипломмен және байқау эмблемасымен марапатталады. Дипломанттар «Қазақстанның үздік тауары» байқауының эмблемасын жарнамалық мақсатта төрт жыл бойы пайдалану құқығына ие болады.

10.10.2022

Автор: "КазАзот" АҚ баспасөз қызметі